நடைபவனி…

மட்டக்களப்பு புனித வின்சன்ட் மகளிர் உயர் தேசிய பாடசாலையில் 200ஆவது ஆண்டு நிறைவையொட்டி, இன்று (25) காலை நடைபவனி நடைபெற்றது.

பாடசாலையின் இலட்சினை பொறிக்கப்பட்ட வாகனத்துடன் கல்லடி பாலத்தில் இருந்து ஆரம்பமான நடைபவனி, மட்டக்களப்பு பிரதான வீதியூடாக நகரைச் சென்றடைந்து, அங்கிருந்து பாடசாலையைச் சென்றடைந்தது.

இந்த நடைபவனியில் பாடசாலையின் பழைய மாணவர்கள், ஆசிரியர்கள், அதிபர்கள், மாணவர்கள் எனப் பலர் கலந்துகொண்டனர்.

1820ஆம் ஆண்டு ஆரம்பிக்கப்பட்ட மட்டக்களப்பு புனித வின்சன்ட் மகளிர் உயர் தேசிய பாடசாலையானது இலங்கையில் மிகவும் பழமையான பெண்கள் பாடசாலையாகும்.

பல்வேறு கலாசார பண்பாடுகளைத் தாங்கியவாறும் பாடசாலையின் நினைவுகளை சுமந்தவாறும் இந்த நடைபவனி நடைபெற்றமை குறிப்பிடத்தக்கது.

(படப்பிடிப்பு - வா.கிருஸ்ணா)