நியமனம்…

சிவா ஸ்ரீதரராவ்

சப்ரகமுவ மாகாண சபை அமைச்சுகளுக்கு புதிய செயலாளர்கள் மற்றும் ஆணையாளர் நியமிக்கப்பட்டுள்ளனர்.

இவர்களுக்கான நியமனக் கடிதம் சப்ரகமுவ மாகாண ஆளுநர் டிக்கிரி கொப்பேகடுவவினால் சப்ரகமுவ மாகாண சபை கட்டிடத்தொகுதியில் வைத்து இன்று(2) கையளிக்கப்பட்டது.

இதன்படி சப்ரகமுவ மாகாண சபையின் கல்வி மற்றும் தகவல் தொழில்நுட்ப அமைச்சின் செயலாளராக எச்.டி.சிசிர மற்றும்  சப்ரகமுவ மாகாண சமூக சேவைகள் மற்றும் சிறுவர் பாதுகாப்பு, கிராமிய கைத்தொழில், கிராமிய அபிவிருத்தி அமைச்சின் பதில் செயலாளராக  ஏ.எஸ்.ஜீ.கொடல்லவத்தவும் நியமிக்கப்பட்டுள்ளனர்.

அத்தோடு சப்ரகமுவ மாகாண காணி அமைச்சின் ஆணையாளராக திலினி தர்மதாசவும் நியமிக்கப்பட்டுள்ளனர்.

இதன்போது சப்ரகமுவ மாகாண பிரதான செயலாளர் ரஞ்ஜனி ஜயகொடி,  மாகாண பிரதான அமைச்சின் செயலாளர் பிரபாத் உதாகர, ஆளுநரின் இணைப்புச் செயலாளர் மஞ்சுளா இதிகாவெல ஆகியோர் கலந்து கொண்டனர்.