Editorial / 2026 மார்ச் 10 , மு.ப. 11:30 - 0 - {{hitsCtrl.values.hits}}
எம்.யூ.எம். சனூன்
மதுரங்குளி வர்த்தக சங்கம், ஏற்றுமதியாளர்கள் சங்கம் மற்றும் மஸ்ஜிதுல் முஹம்மதியா ஜும்ஆ மஸ்ஜித் ஆகியன இணைந்து நடத்திய விசேட இப்தார் (நோன்பு துறப்பு) நிகழ்வு, திங்கட்கிழமை (09) மாலை மிகவும் சிறப்பாக நடைபெற்றது.
மதுரங்குளி பிரதான வீதியில் அமைந்துள்ள மஸ்ஜிதுல் முஹம்மதியா ஜும்ஆ மஸ்ஜித் வளாகத்தில் இடம்பெற்ற இந்நிகழ்வு, அப்பிரதேசத்தில் சாந்தி, சமாதானம் மற்றும் இன நல்லிணக்கத்தை வலுப்படுத்தும் நோக்கில் ஏற்பாடு செய்யப்பட்டிருந்தது.
மதுரங்குளி வர்த்தக சங்கத் தலைவர் எம்.எஸ்.டி. அமான் தலைமையில் நடைபெற்ற இந்நிகழ்விற்கு, ஜும்ஆ மஸ்ஜித் தலைவர் எம்.எஸ்.எம். நிஸ்தார் மற்றும் செயலாளர் ரஹ்பத் அமீன் ஆகியோர் முழுமையான அனுசரணை வழங்கியிருந்தனர்.
இந்நிகழ்வில் அரசியல் பிரமுகர்கள், அரச அதிகாரிகள் மற்றும் மதத் தலைவர்கள் எனப் பலரும் கலந்துகொண்டு சிறப்பித்தனர்:
மேலும், மதுரங்குளி வர்த்தக சங்க செயலாளர் மொஹமட் நிஜாம், கே. துரைசிங்கம் உள்ளிட்ட வர்த்தக சங்க உறுப்பினர்கள், கல்வி நிறுவனங்களின் பணிப்பாளர்கள் மற்றும் பெருமளவிலான பொதுமக்கள் கலந்துகொண்டனர்.
நல்லிணக்கத்தின் அடையாளம்
பல்வேறு மதங்களையும் இனங்களையும் சேர்ந்த தலைவர்கள் மற்றும் பொதுமக்கள் ஒரே இடத்தில் அமர்ந்து நோன்பு துறந்தமையானது, மதுரங்குளி நகரில் நிலவும் இன ஒற்றுமைக்கும் சகோதரத்துவத்திற்கும் ஒரு சிறந்த எடுத்துக்காட்டாக அமைந்தது. சமூகங்களுக்கு இடையே புரிந்துணர்வை ஏற்படுத்த இவ்வாறான நிகழ்வுகள் காலத்தின் கட்டாயம் என இதன்போது சுட்டிக்காட்டப்பட்டது.
1 hours ago
4 hours ago
அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .
1 hours ago
4 hours ago
