மலையகத்தில் கடும் மழை; இயல்பு வாழ்க்கைப் பாதிப்பு

எம்.கிருஸ்ணா

மலையகத்தில் நேற்று (2) முதல் பெய்துவரும் கடும் மழை காரணமாக, மக்களின் இயல்பு வாழ்க்கைப் பாதிக்கப்பட்டுள்ளதுடன் பல பிரதேசங்களில் மண்சரிவு அனர்த்தங்களும் கற்பாறை சரிவும் ஏற்பட்டுள்ளது. 

கொட்டகலை டெரிக்கிளேயர் தோட்டத்தில், இன்று (3) அதிகாலை ஏற்பட்ட மண்சரிவில் குடியிருப்பு ஒன்று சேதமடைந்துள்ளதுடன் குடியிருப்பாளர்களின் உடமைகளும் பாதிப்படைந்துள்ளன.

நோட்டன், ஹட்டன், தலவாக்கலை ஆகிய பிரதேசங்களில், மின்சார துண்டிப்பு ஏற்பட்டுள்ளது. அதிக பனிமூட்டம் காரணமாக ஹட்டன்- நுவரெலியா, ஹட்டன்- கினிகத்தேனை ஆகிய பிரதான வீதிகளில்  பயணிக்கும் சாரதிகளை மிகுந்த அவதானத்துடன் பயணிக்குமாறு பொலிஸார் அறிவுறுத்தியுள்ளனர்.