வேக கட்டுப்பாட்டை இழந்து விபத்து...

-எம்.றொசாந்த்

கண்டியில் இருந்து யாழப்பாணம் நோக்கி வந்து கொண்டிருந்த ஹயஸ் ரக வாகனம் ஒன்று சனிக்கிழமை (06) அதிகாலை  4 மணியளவில் விபத்துக்குள்ளாகியதாக கொடிகாமம் பொலிஸார் தெரிவித்தனர்.

வாகனம் வேக கட்டுப்பாட்டை இழந்து கொடிகாமம் பிரதேச வைத்தியசாலைக்கு முன்பாக உள்ள மின் கம்பத்துடன் மோதி விபத்துக்கு உள்ளாகியது.

இந்த விபத்தில் வாகனம் பலத்த சேதத்துக்கு உள்ளாகிய போதிலும் வாகனத்தில் இருந்தவர்களுக்கு பாதிப்பு எதுவும் ஏற்படவில்லை என பொலிஸார் தெரிவித்தனர்.