அடுத்த மாதம் ஆரம்பிக்கிறது ஐ.பி.எல்

இந்தியாவின் உள்ளூர் இருபதுக்கு – 20 தொடரான இந்தியன் பிறீமியர் லீக்கானது (ஐ.பி.எல்), அடுத்த மாதம் ஒன்பதாம் திகதி ஆரம்பிக்கவுள்ளது.

அஹமதாபாத், பெங்களூரு, சென்னை, டெல்லி, மும்பை, கொல்கத்தாவில் போட்டிகள் இடம்பெறவுள்ள நிலையில், இறுதிப் போட்டி இவ்வாண்டு மே மாதம் 30ஆம் திகதி இடம்பெறவுள்ளது.

தொடரின் முதலாவது போட்டியில், றோயல் சலஞ்சர்ஸ் பெங்களூரை நடப்புச் சம்பியன்கள் மும்பை இந்தியன்ஸ் சென்னையில் எதிர்கொள்ளவுள்ளது.

தகுதிகாண் போட்டிகளும், இறுதிப் போட்டியும் அஹமதாபாத்தில் இடம்பெறவுள்ளது.

இதேவேளை, அனைத்துப் போட்டிகளும் குறிப்பிட்ட இரண்டு அணிகளுக்கும் பொதுவான இடங்களிலேயே இடம்பெறவுள்ளன.