அர்டெடாவின் பதவிக்கு உடனடியாக ஆபத்தில்லை?

இங்கிலாந்து பிறீமியர் லீக் கால்பந்தாட்டக் கழகமான ஆர்சனலின் முகாமையாளர் மிகேல் அர்டெடா, தனது பதவியை உடனடியாக இழக்கும் ஆபத்தில் இல்லை எனக் கூறப்படுகிறது.

நடப்பு பருவகால பிறீமியர் லீக்கின் முதலிரண்டு போட்டிகளிலும் தோற்று மோசமான ஆரம்பத்தை ஆர்சனல் பெற்றுள்ளபோதே குறித்த தகவல் வெளியாகியுள்ளது.

ஆர்சனல் தொடர்ந்து தடுமாறினால், அர்டெடாவை, இத்தாலிய சீரி ஏ கழகமான இன்டர் மிலனின் முன்னாள் முகாமையாளர் அந்தோனியோ கொன்டே பிரதியிடுவார் எனக் கூறப்படுகிறது.

கடந்த 2019ஆம் ஆண்டு முதல் ஆர்சனலின் முகாமையாளராக அர்டெடா இருந்து வருகின்றார் என்பது குறிப்பிடத்தக்கது.