இங்கிலாந்துக்கு எதிரான முதலாவது டெஸ்டில் கில் சந்தேகம்

இங்கிலாந்துக்கு எதிரான முதலாவது டெஸ்டில் ஆரம்பத் துடுப்பாட்டவீரர் ஷுப்மன் கில் விளையாடுவது சந்தேகத்துக்கு இடமாகியுள்ளது.

காலில் கில் காயத்துக்கு உள்ளாகியுள்ளதாகத் தெரிவிக்கப்படுகிறது. எக்காலில் கில் காயத்துக்குள்ளார் என்பது இன்னும் தெளிவில்லாமலுள்ளது. எங்கே, எப்போது கில் காயமடைந்தார் என்பதும் தெரியவில்லை.

இந்நிலையில், தொடர்ந்தும் இங்கிலாந்தில் கில் இருக்கவுள்ள நிலையில், காயத்தின் மோசமான நிலையைப் பொறுத்து இந்திய அணி முகாமைத்துவம் இறுதி முடிவை எடுக்கவுள்ளது.

அந்தவகையில், காயத்திலிருந்து கில் குணமடையத் தவறினால், அவரை அணியில் பிரதியிட மாயங்க் அகர்வால், லோகேஷ் ராகுல் ஆகியோர் குழாமில் காணப்படுவதுடன், மேலதிக வீரர்கள் பட்டியலில் புதுமுகவீரர் அபிமன்யு ஈஸ்வரன் காணப்படுகின்றார்.