இன்டர் மிலனிலிருந்து வெளியேறும் டம்பிறைஸ்?

இத்தாலிய சீரி ஏ கால்பந்தாட்டக் கழகமான இன்டர் மிலனின் வலது பின்களவீரரான டென்ஸில் டம்ஃபிறைஸைக் கைச்சாத்திட இங்கிலாந்து பிறீமியர் லீக் கழகங்களான செல்சி, மன்செஸ்டர் யுனைட்டெட், டொட்டென்ஹாம் ஹொட்ஸ்பர் ஆகியன எதிர்பார்த்துள்ளன.

26 வயதான டம்பிறைஸைக் கைச்சாத்திடுவதை கடந்த பருவகாலத்தில் மிலன் நிராகரித்திருந்த நிலையில், உலகக் கிண்ணத்தில் சிறப்பான செயற்பாடு காரணமாக மீண்டும் டம்பிறைஸைக் கைச்சாத்திடும் ஆர்வம் தோன்றியுள்ளது.

காயங்களால் அவதியுறும் றீஸ் ஜேம்ஸுக்கு மாற்றீடொன்றாக செல்சியும், டியகோ டலொட், ஆரோன் வான்-பிஸாகாவைத் தாண்டி வலது பின்களத்தில் தெரிவொன்றாக யுனைட்டெட்டும் நோக்குகின்றன.