இரண்டாமிடத்துக்கு முன்னேறினார் ராகுல்

சர்வதேச கிரிக்கெட் சபையின் இருபதுக்கு – 20 சர்வதேசப் போட்டிகளுக்கான துடுப்பாட்டவீரர்களின் தரவரிசையில் இரண்டாமிடத்துக்கு இந்திய அணியின் லோகேஷ் ராகுல் முன்னேறியுள்ளார்.

நியூசிலாந்துக்கெதிரான ஐந்து போட்டிகள் கொண்ட தொடரில் 224 ஓட்டங்களைப் பெற்றதன் மூலமே நேற்று வெளியிடப்பட்ட தரவரிசையில், ஆறாமிடத்திலிருந்து நான்கு இடங்கள் முன்னேறி இரண்டாமிடத்தில் லோகேஷ் ராகுல் காணப்படுகின்றார்.

இதேவேளை, இத்தொடரில் 140 ஓட்டங்களைப் பெற்ற இந்தியாவின் ரோஹித் ஷர்மா, 12ஆம் இடத்திலிருந்து இரண்டு இடங்கள் முன்னேறி 10ஆம் இடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. பாபர் அஸாம், 2. லோகேஷ் ராகுல், 3. ஆரோன் பின்ஞ், 4. கொலின் மன்றோ, 5. டேவிட் மலன், 6. கிளென் மக்ஸ்வெல், 7. எவின் லூயிஸ், 8. ஹஸரத்துல்லா ஸஸாய், 9. விராட் கோலி, 10. ரோஹித் ஷர்மா.

முதல் 10 பந்துவீச்சாளர்களின் தரவரிசை பின்வருமாறு,

1. ரஷீட் கான், 2. முஜீப் உர் ரஹ்மான், 3. மிற்செல் சான்ட்னெர், 4. அடம் ஸாம்பா, 5. இமாட் வசீம், 6. அன்டிலி பெக்லுவாயோ, 7. அடில் ரஷீட், 8. ஷடாப் கான், 9. அஸ்தன் அகர், 10. கிறிஸ் ஜோர்டான்.

முதல் ஐந்து சகலதுறைவீரர்களின் தரவரிசை பின்வருமாறு,

1. மொஹமட் நபி, 2. கிளென் மக்ஸ்வெல், 3. ஷோன் வில்லியம்ஸ், 4. றிச்சர்ட் பெரிங்டன், 5. றொஹான் முஸ்தபா

இதேவேளை அணிகளுக்கான தரவரிசையில், நியூசிலாந்தை 5-0 என வெள்ளையடித்த இந்தியா, ஐந்தாமிடத்திலிருந்து ஓரிடம் முன்னேறி நான்காமிடத்தை அடைந்துள்ளது.

முதல் 10 அணிகளின் தரவரிசை பின்வருமாறு,

1. பாகிஸ்தான், 2. அவுஸ்திரேலியா, 3. இங்கிலாந்து, 4. இந்தியா, 5. தென்னாபிரிக்கா, 6. நியூசிலாந்து, 7. ஆப்கானிஸ்தான், 8. இலங்கை, 9. பங்களாதேஷ், 10. மேற்கிந்தியத் தீவுகள்.