இரண்டாமிடத்துக்கு முன்னேறிய றூட்

சர்வதேச கிரிக்கெட் சபையின் டெஸ்ட் போட்டிகளுக்கான துடுப்பாட்ட வீரர்களுக்கான தரவரிசையில் இரண்டாமிடத்துக்கு இங்கிலாந்தின் ஜோ றூட் முன்னேறியுள்ளார்.

இந்தியாவுக்கெதிரான இரண்டாவது டெஸ்டில் 213 ஓட்டங்களைப் பெற்ற றூட், நான்காமிடத்திலிருந்து இரண்டு இடங்கள் முன்னேறி இரண்டாமிடத்தை அடைந்துள்ளார்.

இதேவேளை, மேற்கிந்தியத் தீவுகளுக்கெதிரான இரண்டாவது டெஸ்டில் 85 ஓட்டங்களைப் பெற்ற பாகிஸ்தானின் பாபர் அஸாம், 10ஆம் இடத்திலிருந்து இரண்டு இடங்கள் முன்னேறி எட்டாமிடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. கேன் வில்லியம்ஸன், 2. ஜோ றூட், 3. ஸ்டீவ் ஸ்மித், 4. மர்னுஸ் லபுஷைன், 5. விராட் கோலி, 6. ரோஹித் ஷர்மா, 7. றிஷப் பண்ட், 8. பாபர் அஸாம், 9. டேவிட் வோணர், 10. குயின்டன் டி கொக்.

பந்துவீச்சாளர்களுக்கான தரவரிசையில், இந்தியாவுக்கெதிரான இரண்டாவது டெஸ்டில் ஐந்து விக்கெட்டுகளைக் கைப்பற்றிய இங்கிலாந்தின் ஜேம்ஸ் அன்டர்சன், ஏழாமிடத்திலிருந்து ஓரிடம் முன்னேறி ஆறாமிடத்தை அடைந்துள்ளார்.

இதேவேளை, பாகிஸ்தானுக்கெதிரான முதலாவது டெஸ்டில் நான்கு விக்கெட்டுகளைக் கைப்பற்றிய மேற்கிந்தியத் தீவுகளின் ஜேஸன் ஹோல்டர், 11ஆம் இடத்திலிருந்து இரண்டு இடங்கள் முன்னேறி ஒன்பதாமிடத்தை அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. பற் கமின்ஸ், 2. இரவிச்சந்திரன் அஷ்வின், 3. டிம் செளதி, 4. ஜொஷ் ஹேசில்வூட், 5. நீல் வக்னர், 6. ஜேம்ஸ் அன்டர்சன், 7. ககிஸோ றபாடா, 8. ஸ்டூவர்ட் ப்ரோட், 9. ஜேஸன் ஹோல்டர், 10. ஜஸ்பிரிட் பும்ரா.

முதல் ஐந்து சகலதுறைவீரர்களின் தரவரிசை பின்வருமாறு,

1. ஜேஸன் ஹோல்டர், 2. பென் ஸ்டோக்ஸ், 3. இரவீந்திர ஜடேஜா, 4. இரவிச்சந்திரன் அஷ்வின், 5. ஷகிப் அல் ஹஸன்.