இராஜினாமா செய்த பாபர் அஸாம்

பாகிஸ்தான் அணியின் அணித்தலைவர் பதவியிலிருந்து பாபர் அஸாம் இராஜினாமா செய்துள்ளார்.

டெஸ்ட் போட்டிகளில் அணித்தலைவர் பதவியில் தொடர அஸாமுக்குத் தெரிவொன்று வழங்கப்பட்டதாக பாகிஸ்தான் கிரிக்கெட் சபை தெரிவித்திருந்த நிலையில், அனைத்து வகையான போட்டிகளின் அணித்தலைவர் பதவியிலிருந்தும் அஸாம் இராஜினாமா செய்துள்ளார்.

இந்நிலையில் இருபதுக்கு – 20 சர்வதேசப் போட்டிகளுக்கான அணித்தலைவராக ஷகீன் ஷா அஃப்ரிடியும், டெஸ்ட் போட்டிகளுக்கான அணித்தலைவராக ஷண் மசூட்டையும் பாகிஸ்தான் நியமித்துள்ளது.

பாகிஸ்தான் அணியில் உள்ளே வருவதும் போவதுமாகவுள்ள மசூட் அவ்வளவாக பெறுபேறுகளை பெறாத மசூட் அணித்தலைவராக நியமிக்கப்பட்டுள்ளமையானது பேசுபொருளாகக் காணப்படுகிறது.

இதேவேளை, அணியின் இயக்குநராக பாகிஸ்தானின் முன்னாள் வீரர் மொஹமட் ஹபீஸ் நியமிக்கப்பட்டுள்ளார். இந்நிலையில் தலைமைப் பயிற்றுவிப்பாளராக யுனிஸ் கான் நியமிக்கப்படுவாரென எதிர்பார்க்கப்படுகிறது.