இலங்கையை வெள்ளையடித்த இந்தியா

இலங்கையை ஒருநாள் சர்வதேசப் போட்டித் தொடரில் இந்தியா வெள்ளையடித்துள்ளது.

மூன்று போட்டிகள் கொண்ட இத்தொடரில், முதலிரண்டு போட்டிகளிலும் ஏற்கெனவே வென்றிருந்த இந்தியா, திருவனந்தபுரத்தில் இன்று நடைபெற்ற மூன்றாவது போட்டியிலும் வென்றமையைத் தொடர்ந்து 3-0 என இலங்கையை வெள்ளையடித்தது.

இதேவேளை இப்போட்டியில் 317 ஓட்டங்களால் இந்தியா வென்ற நிலையில், ஒருநாள் சர்வதேசப் போட்டியொன்றில் அதிக ஓட்டங்களால் பெறப்பட்ட வெற்றி இதுவாகும். முன்னதாக, அயர்லாந்துக்கெதிராக கடந்த 2008ஆம் ஆண்டு நியூசிலாந்து 290 ஓட்டங்களால் வென்றதே சாதனையாகக் காணப்பட்டிருந்தது.

ஸ்கோர் விவரம்:

நாணயச் சுழற்சி: இந்தியா

இந்தியா: 390/5 (50 ஓவ. ) (துடுப்பாட்டம்: விராட் கோலி ஆ.இ 166 (110), ஷுப்மன் கில் 116 (97), றோஹித் ஷர்மா 42 (49), ஷ்ரேயாஸ் ஐயர் 38 (32) ஓட்டங்கள்)

இலங்கை: 73/10 (22 ஓவ. ) (பந்துவீச்சு: மொஹமட் சிராஜ் 4/32, குல்டீப் யாதவ் 2/16, மொஹமட் ஷமி 2/20)

போட்டியின் நாயகன்: விராட் கோலி

தொடரின் நாயகன்: விராட் கோலி