இலங்கை எதிர் ஆப்கானிஸ்தான்: மூன்றாவது போட்டி இன்று

இலங்கை, ஆப்கானிஸ்தான் அணிகளுக்கிடையிலான மூன்று போட்டிகள் கொண்ட ஒருநாள் சர்வதேசப் போட்டித் தொடரின் மூன்றாவது போட்டியானது பல்லேகலவில் இன்று பிற்பகல் 2.30 மணிக்கு ஆரம்பிக்கவுள்ளது.

இத்தொடரின் முதலாவது போட்டியில் ஆப்கானிஸ்தான் வென்றதோடு, இரண்டாவது போட்டியில் முடிவேதும் பெறப்படாத நிலையில் இப்போட்டியில் வென்றாலே இலங்கை தொடரைச் சமப்படுத்த முடியும்.

தவிர, அடுத்தாண்டு நடைபெறவுள்ள உலகக் கிண்ணத்துக்கு நேரடியாகத் தகுதி பெறுவதற்கு இப்போட்டியோடு, நியூசிலாந்தில் நடைபெறவுள்ள மூன்று போட்டிகளையும் இலங்கை வெல்ல வேண்டிய கட்டாயத்திலுள்ளமை குறிப்பிடத்தக்கது.