இளையோர் ஒலிம்பிக்கில் முதல் பதக்கம்

இளையோர் ஒலிம்பிக் போட்டிகளில், இலங்கையின் முதலாவது பதக்கத்தை பரமி வசந்தி மேரிஸ்டெலா பெற்றுக் கொடுத்துள்ளார்.

ஆர்ஜென்டீனாவின் தலைநகர் புவனேர்ஸ் அயர்ஸில் இடம்பெற்றுவரும் மூன்றாவது இளையோர் ஒலிம்பிக் போட்டிகளில், பெண்களுக்கான 2,000 மீற்றர் தடை தாண்டல் போட்டியில் வெண்கலப் பதக்கத்தை நேற்றுப் பெற்றதன் மூலமே இளையோர் ஒலிம்பிக் போட்டிகளில் இலங்கையின் முதலாவது பதக்கத்தை பரமி வசந்தி பெற்றுள்ளார்.

இதேவேளை, இளையோர் ஒலிம்பிக் போட்டிகளில் இலங்கை வென்ற முதலாவது பதக்கமாக பரமி வசந்தி மேரிஸ்டெலா வென்ற வெண்கலப் பதக்கமே காணப்படுவதோடு, 2007ஆம் ஆண்டு உலக சம்பியன்ஷிப்பில் பெண்களுக்கான 200 மீற்றரில் சுசந்திகா ஜயசிங்க வெண்கலப் பதக்கத்தை வென்றதன் பின்னர், பூகோள தடகளப் போட்டியொன்றில் இலங்கை பதக்கமொன்றைப் பெறும் முதலாவது சந்தர்ப்பமாக பரமி வசந்தி மேரிஸ்டெலா பெற்ற வெண்கலப் பதக்கம் அமைந்தது.