இ – 20 உலகக் கிண்ணம்: 235 ஓட்டங்களைக் குவித்த அயர்லாந்து

சர்வதேச கிரிக்கெட் சபையின் இருபதுக்கு – 20 உலகக் கிண்ணத் தொடரில், கொழும்பு எஸ்.எஸ்.சி மைதானத்தில் நடைபெற்றுக் கொண்டிருக்கும் ஓமானுடனான குழு பி போட்டியில் 235 ஓட்டங்களை அயர்லாந்து குவித்தது.

முதலில் துடுப்பெடுத்தாடப் பணிக்கப்பட்ட அயர்லாந்து, அணித்தலைவர் லொர்கன் டக்கரின் ஆட்டமிழக்காத 94 (51), கரெத் டெலனியின் 56 (30), ஜோர்ஜ் டொக்ரலின் ஆட்டமிழக்காத 35 (09) ஓட்டங்களோடு 20 ஓவர்களில் 5 விக்கெட்டுகளை இழந்து 235 ஓட்டங்களைப் பெற்றது. பந்துவீச்சில் ஷகீல் அஹ்மட் 4-0-33-3, ஆமிர் கலீம் 4-0-29-1, நதீம் கான் 4-0-34-0 என்ற பெறுதிகளைக் கொண்டிருந்தனர்.