உயர் வருமானமீட்டும் வீராங்கனையாக செரீனா

போர்ப்ஸ் சஞ்சிகையின் உயர் வருமானமீட்டும் வீராங்கனைகள் பட்டியலில் முதலிடத்தில் 23 தடவைகள் கிரான்ட் ஸ்லாம் பட்டங்களை வென்ற ஐக்கிய அமெரிக்காவின் செரீனா வில்லியம்ஸ் காணப்படுகிறார்.

குழந்தை பெற்றுக் கொண்டமையையடுத்து 14 மாதங்கள் விளையாடமலிருந்தமை காரணமாக கடந்தாண்டு பரிசுப் பணமாக 62,000 ஐக்கிய அமெரிக்க டொலர்களை உலகின் முன்னாள் முதல்நிலை வீராங்கனையான செரீனா வில்லியம்ஸ் பெற்றுக் கொண்டபோதும் தான் கொண்டுள்ள ஒப்பந்தங்கள் காரணமாக 18 மில்லியன் ஐக்கிய அமெரிக்க டொலர்களைப் பெற்றிருந்தார்.