உலகக் கிண்ணத்தில் போலந்து

கட்டாரில் இவ்வாண்டு நடைபெறவுள்ள சர்வதேச கால்பந்தாட்ட சம்மேளனத்தின் உலகக் கிண்ணத் தொடருக்கு போலந்து தகுதி பெற்றுள்ளது.

தமது நாட்டில் இன்று அதிகாலை நடைபெற்ற சுவீடனுடனான தகுதிப் போட்டியில் 2-0 என்ற கோல் கணக்கில் வென்றே உலகக் கிண்ணத்துக்கு போலந்து தகுதி பெற்றுள்ளது.

போலந்து சார்பாக, றொபேர்ட் லெவன்டோஸ்கி, பியோத்தர் ஸிலென்ஸ்கி ஆகியோர் தலா ஒவ்வொரு கோலைப் பெற்றனர்.

இந்நிலையில், தம் நாட்டில் நடைபெற்ற வட மசிடோனியாவுடனான தகுதிப் போட்டியில் 2-0 என்ற கோல் கணக்கில் வென்ற போர்த்துக்கல்லும் உலகக் கிண்ணத் தொடருக்குத் தகுதி பெற்றுள்ளது. போர்த்துக்கல் சார்பாகப் பெறப்பட்ட இரண்டு கோல்களையும் ப்ரூனோ பெர்ணாண்டஸ் பெற்றிருந்தார்.