உலகக் கிண்ணம்: இறுதி 16 அணிகளுக்கான சுற்றில் ஆர்ஜென்டீனா, போலந்து

கட்டாரில் நடைபெற்று வரும் கால்பந்தாட்ட உலகக் கிண்ணத் தொடரின் இறுதி 16 அணிகளுக்கான சுற்றுக்கு ஆர்ஜென்டீனா, போலந்து, அவுஸ்திரேலியா ஆகியன தகுதி பெற்றுள்ளன.

இன்று அதிகாலை நடைபெற்ற போலந்துடனான குழு சி போட்டியை 2-0 என்ற கோல் கணக்கில் வென்றே இறுதி 16 அணிகளுக்கான சுற்றுக்கு ஆர்ஜென்டீனா தகுதி பெற்றிருந்தது.

இந்நிலையில், மற்றைய குழு சி போட்டியில் 2-1 என்ற கோல் கணக்கில் சவுதி அரேபியாவை மெக்ஸிக்கோ வென்றிருந்த நிலையில், கோலெண்ணிக்கை அடிப்படையில் இக்குழுவிலிருந்து இரண்டாவது அணியாக இறுதி 16 அணிகளுக்கான சுற்றுக்கு போலந்து தகுதி பெற்றது.

இதேவேளை, நேற்றிரவு நடைபெற்ற டென்மார்க்குடனான குழு டி போட்டியில் 1-0 என்ற கோல் கணக்கில் வென்ற அவுஸ்திரேலியாவும் இறுதி 16 அணிகளுக்கான சுற்றுக்குத் தகுதி பெற்றது.

இந்நிலையில், மற்றைய குழு டி போட்டியில் நடப்புச் சம்பியன்களான பிரான்ஸ், துனீஷியாவிடம் 0-1 என்ற கோல் கணக்கில் தோல்வியடைந்தது.