ஏழாமிடத்துக்கு முன்னேறினார் கருணாரத்ன

சர்வதேச கிரிக்கெட் சபையின் டெஸ்ட் போட்டிகளுக்கான துடுப்பாட்ட வீரர்களுக்கான தரவரிசையில் ஏழாமிடத்துக்கு, இலங்கையணியின் ஆரம்பத் துடுப்பாட்ட வீரர் திமுத் கருணாரத்ன முன்னேறியுள்ளார்.

நேற்று முன்தினம் முடிவடைந்த தென்னாபிரிக்காவுக்கெதிரான இரண்டாவது டெஸ்டில் 138 ஓட்டங்களைப் பெற்ற நிலையிலேயே 10ஆம் இடத்திலிருந்து மூன்று இடங்கள் முன்னேறி ஏழாமிடத்தை திமுத் கருணாரத்ன அடைந்துள்ளார்.

முதல் 10 துடுப்பாட்ட வீரர்களின் தரவரிசை பின்வருமாறு,

1. ஸ்டீவ் ஸ்மித், 2. விராத் கோலி, 3. ஜோ றூட், 4. கேன் வில்லியம்சன், 5. டேவிட் வோணர், 6. செட்டேஸ்வர் புஜாரா, 7. திமுத் கருணாரத்ன, 8. தினேஷ் சந்திமால், 9. டீன் எல்கர், 10. ஏய்டன் மர்க்ரம்.

இந்நிலையில், இலங்கைக்கெதிரான தொடரில் பிரகாசித்திருக்காத தென்னாபிரிக்காவின் இளம் வேகப்பந்துவீச்சாளர் கஜிஸோ றபாடா, டெஸ்ட் போட்டிகளுக்கான பந்துவீச்சாளர்களின் தரவரிசையில் தனது முதலிடத்தை இங்கிலாந்தின் சிரேஷ்ட வேகப்பந்துவீச்சாளர் ஜேம்ஸ் அன்டர்சனிடம் இழந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ஜேம்ஸ் அன்டர்சன், 2. கஜிஸோ றபாடா, 3. இரவீந்திர ஜடேஜா, 4. வேர்ணன் பிலாந்தர், 5. இரவிச்சந்திரன் அஷ்வின், 6. பற் கமின்ஸ், 7. ட்ரெண்ட் போல்ட், 8. ரங்கன ஹேரத், 9. நீல் வக்னர், 10. ஜொஷ் ஹேசில்வூட்.