ஏழாமிடத்துக்கு முன்னேறிய ஜடேஜா

சர்வதேச கிரிக்கெட் சபையின் டெஸ்ட் போட்டிகளுக்கான பந்துவீச்சாளர்களின் தரவரிசையில் ஏழாமிடத்துக்கு இந்தியாவின் இரவீந்திர ஜடேஜா முன்னேறியுள்ளார்.

மேற்கிந்தியத் தீவுகளுக்கெதிரான முதலாவது டெஸ்டில் 5 விக்கெட்டுகளைக் கைப்பற்றியமையைத் தொடர்ந்தே 10ஆம் இடத்திலிருந்து மூன்று இடங்கள் முன்னேறி ஏழாமிடத்தை ஜடேஜா அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1.இரவிச்சந்திரன் அஷ்வின், 2. பற் கமின்ஸ், 3. ககிஸோ றபாடா, 4. ஜேம்ஸ் அன்டர்சன், 5. ஷகீன் ஷா அஃப்ரிடி, 6. ஸ்டூவர்ட் ப்ரோட், 7. இரவீந்திர ஜடேஜா, 8. ஒலி றொபின்ஸன், 9. நேதன் லையன், 10. ஜஸ்பிரிட் பும்ரா.

மேற்குறித்த டெஸ்டில் 103 ஓட்டங்களைப் பெற்ற இந்தியாவின் அணித்தலைவர் றோஹித் ஷர்மா, 13ஆம் இடத்திலிருந்து மூன்று இடங்கள் முன்னேறி 10ஆம் இடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1.கேன் வில்லியம்ஸன், 2. ட்ரெவிஸ் ஹெட், 3. பாபர் அஸாம், 4. ஸ்டீவ் ஸ்மித், 5. மர்னுஸ் லபுஷைன், 6. ஜோ றூட், 7. உஸ்மான் கவாஜா, 8. டரைல் மிற்செல், 9. திமுத் கருணாரத்ன, 10. றோஹித் ஷர்மா.

முதல் ஐந்து சகலதுறைவீரர்களின் தரவரிசை பின்வருமாறு,

1.இரவீந்திர ஜடேஜா, 2. இரவிச்சந்திரன் அஷ்வின், 3. ஷகிப் அல் ஹஸன், 4. பென் ஸ்டோக்ஸ், 5. அக்ஸர் பட்டேல்.