ஏ.சி மிலனை வென்ற இன்டர் மிலன்

இத்தாலியக் கால்பந்தாட்டக் கழகங்களுக்கிடையிலான சீரி ஏ தொடரில், சான் சிரோவில் நேற்று அதிகாலை நடைபெற்ற நடப்புச் சம்பியன்களான ஏ.சி மிலனுடனான போட்டியில் 1-0 என்ற கோல் கணக்கில் இன்டர் மிலன் வென்றது.

இன்டர் மிலன் சார்பாகப் பெறப்பட்ட கோலை லொட்டரோ மார்டினெஸ் பெற்றார்.

இந்நிலையில், சீரி ஏ புள்ளிகள் பட்டியலில் 56 புள்ளிகளுடன் முதலாமிடத்தில் நாப்போலி உள்ளது.  43 புள்ளிகளுடன் இரண்டாமிடத்தில் இன்டர் மிலனும், 40 புள்ளிகளுடன் மூன்றாமிடத்தில் றோமாவும், 38 புள்ளிகளுடன் நான்காமிடத்தில் லேஸியோவும் காணப்படுகின்றன. இதில் லேஸியோ ஒரு போட்டி குறைவாக விளையாடியுள்ளது.