ஏ.சி மிலனை வென்ற பார்சிலோனா

ஐக்கிய அமெரிக்காவில் நேற்றுக் காலை நடைபெற்ற இத்தாலிய சீரி ஏ கழகமான ஏ.சி மிலனுடனான போட்டியில் 1-0 என்ற கோல் கணக்கில் ஸ்பானிய லா லிகா கழகமான பார்சிலோனா வென்றது.

பார்சிலோனா சார்பாகப் பெறப்பட்ட கோலை அன்சு பாட்டி பெற்றிருந்தார்.

இந்நிலையில், ஜப்பானில் நேற்று முன்தினம் நடைபெற்ற பிரெஞ்சு லீக் 1 கழகமான பரிஸ் ஸா ஜெர்மைனுடனான போட்டியில் 2-1 என்ற கோல் கணக்கில் இன்னொரு இத்தாலிய சீரி ஏ கழகமான இன்டர் மிலன் வென்றது.