ஐ.பி.எல்: ஹைதரபாத்தை சுருட்டிய குஜராத்

இந்தியன் பிறீமியர் லீக்கில் (ஐ.பி.எல்), அஹமதாபாத்தில் செவ்வாய்க்கிழமை (12) நடைபெற்ற சண்றைசர்ஸ் ஹைதரபாத்துடனான போட்டியில் குஜராத் டைட்டான்ஸ் வென்றது.

இப்போட்டியில் முதலில் துடுப்பெடுத்தாடப் பணிக்கப்பட்ட குஜராத், பிரஃபுல் ஹிஞ் (2), அணித்தலைவர் பற் கமின்ஸிடம் ஆரம்பத்தில் விக்கெட்டுகளைப் பறிகொடுத்தபோதும் சாய் சுதர்சனின் 61 (44), வொஷிங்டன் சுந்தரின் 50 (33) ஓட்டங்களுடன் 20 ஓவர்களில் 5 விக்கெட்டுகளை இழந்து 168 ஓட்டங்களைப் பெற்றது.

பதிலுக்கு 169 ஓட்டங்களை வெற்றியிலக்காகக் கொண்டு துடுப்பெடுத்தாடிய ஹைதரபாத், மொஹமட் சிராஜ், ககிஸோ றபாடா (3), பிரசீத் கிருஷ்ணா (2), ஜேஸன் ஹோல்டர் (3), ரஷீட் கானிடம் விக்கெட்டுகளைப் பறிகொடுத்து 14.5 ஓவர்களில் சகல விக்கெட்டுகளையும் இழந்து 86 ஓட்டங்களையே பெற்று 82 ஓட்டங்களால் தோல்வியடைந்தது.

இப்போட்டியின் நாயகனாக றபாடா தெரிவானார்.