கடவுச்சீட்டு தொலைந்தது; பயணத்தைத் தவறவிட்டார் தசுன்

இலங்கை இருபது 20 கிரிக்கெட் அணியின் தலைவர் தசுன் ஷானகவின் கடவுச்சீட்டு தொலைந்த நிலையில், மேற்கிந்திய தீவுகளுக்கான கிரிக்கெட் சுற்றுப்பயணத்தில் அவரால் கலந்துகொள்ள முடியாத நிலை ஏற்பட்டுள்ளது.

மேற்கிந்தியத் தீவுகளுக்கான கிரிக்கெட் சுற்றுப் பயணத்தை இலங்கை கிரிக்கெட் அணி நேற்று(22) ஆரம்பித்தது.

பயணத்துக்கான இறுதி ஆயத்தங்களின் போது, தசுன் ஷானகவின் கடவுச்சீட்டு தொலைந்துள்ளதாகத் தெரிவிக்கப்பட்டுள்ளது.

எனினும், இந்தச் சிக்கலைத் தீர்த்துக்கொண்டு, அவர் உடனடியாக மேற்கிந்தியத் தீவுகளுக்குப் பயணமாகவுள்ளதாக இலங்கை கிரிக்கெட் சபை தெரிவித்துள்ளது.