கலட்டசரேயில் இணைந்த ஒஸிம்ஹென்

இத்தாலிய சீரி ஏ கால்பந்தாட்டக் கழகமான நாப்போலியிடமிருந்து பருவகாலமொன்றுக்கான கடனடிப்படையில் துருக்கியக் கழகமான கலடசரேயில் முன்களவீரரான விக்டர் ஒஸிம்ஹென் இணைந்துள்ளதாக புதன்கிழமை (04) அக்கழகம் அறிவித்துள்ளது.

2024-2025 பருவகாலத்துக்காக 6 மில்லியன் யூரோக்களை 25 வயதான ஒஸிம்ஹென்னுக்கு கலடசரே செலுத்தவுள்ளதாக அக்கழகம் குறிப்பிட்டுள்ளது.

நாப்போலியுடன் 2026ஆம் ஆண்டு வரையில் ஒப்பந்த நீடிப்பொன்றை 2023ஆம் ஆண்டு டிசெம்பரில் ஒஸிம்ஹென் கைச்சாத்திட்டதுடன், அதை ஓராண்டால் நீடிக்கும் தெரிவையும் அக்கழகம் கொண்டுள்ளது.

நாப்போலியில் 2020ஆம் ஆண்டு இணைந்த ஒஸிம்ஹென் 133 போட்டிகளில் விளையாடி 76 கோல்களைப் பெற்றிருந்தார்.