கார் கவிழ்ந்ததையடுத்து மோசமான கால் காயங்களுக்குள்ளான வூட்ஸ்

கோல்ஃப் ஜாம்பவான டைகர் வூட்ஸ், அவரது கரானது வீதியிலிருந்து விலகி மலைப்பகுதியொன்றிலிருந்டு உருண்டு வீழ்ந்த நிலையில் மோசமான கால் காயங்களுடன் ஐக்கிய அமெரிக்காவின் லொஸ் ஏஞ்சலஸிஸ் வைத்தியசாலையில் நேற்று அனுமதிக்கப்பட்டுள்ளார்.

கார் சிதைவுகளிலிருந்து வூட்ஸை மீட்பு அணிகள் இழுத்தெடுத்ததாக அதிகாரிகள் தெரிவித்துள்ளனர்.

இந்நிலையில், காயங்கள் உயிருக்கு ஆபத்தானவையல்ல என நம்பப்படுவதாக லொஸ் ஏஞ்சலஸ் கவுண்டி ஷெரிஃப் அலெக்ஸ் வில்லனுவெவா செய்தியாளர் மாநாடொன்றில் தெரிவித்துள்ளதுடன், வூட்ஸ் நினைவுடன் இருந்ததாகவும், மீட்பு அணி சென்றபோது தொடர்புகொள்ளக்கூடியவாறு இருந்ததாகக் குறிப்பிட்டுள்ளார்.

சம்பவ இடத்தில் அவசரசேவைப் பணியாளர்களால் வூட்ஸ் பரிசோதிக்கப்பட்டபோது வூட்ஸ் குடிபோதையில் இருந்ததுக்கான ஆதாரமெதுவுமில்லை என ஷெரிஃப் மேலும் கூறியுள்ளார்.