சமநிலையில் ஜுவென்டஸ் – சஸுலோ போட்டி

இத்தாலிய சீரி ஏ தொடரில், தமது மைதானத்தில் ஞாயிற்றுக்கிழமை (22) நடைபெற்ற சஸுலோவுடனான போட்டியை 1-1 என்ற கோல் கணக்கில் ஜுவென்டஸ் சமப்படுத்தியது.

ஜுவென்டஸ் சார்பாகப் பெறப்பட்ட கோலை கெனான் யில்டிஸ் பெற்றதோடு, சஸுலோ சார்பாகப் பெறப்பட்ட கோலை அன்ட்ரயா பினமொந்தி பெற்றிருந்தார்.

சீரி ஏ புள்ளிகள் பட்டியலில் 68 புள்ளிகளுடன் முதலாமிடத்தில் இன்டர் மிலன் காணப்படுகின்றது. 63 புள்ளிகளுடன் இரண்டாமிடத்தில் ஏ.சி மிலனும், 62 புள்ளிகளுடன் மூன்றாமிடத்தில் நடப்புச் சம்பியன்களான நாப்போலி காணப்படுகின்றது. கொமோ, ஜுவென்டஸ் ஆகியன தலா 54 புள்ளிகளைப் பெற்றபோதும் அவற்றுக்கிடையேயான போட்டி முடிவுகளின்படி நான்காம், ஐந்தாமிடங்களில் காணப்படுகின்றன. இதில் கொமோவும், இன்டரும் ஒரு போட்டி குறைவாக விளையாடியுள்ளன.