சமநிலையில் ஆர்சனல் – பேர்ண்லி போட்டி

இங்கிலாந்து கால்பந்தாட்டக் கழகங்களுக்கிடையிலான பிறீமியர் லீக் தொடரில், பேர்ண்லியின் மைதானத்தில் நேற்று நடைபெற்ற அவ்வணிக்கும், ஆர்சனலுக்குமிடையிலான போட்டியானது 1-1 என்ற கோல் கணக்கில் சமநிலையில் முடிவடைந்தது.

ஆர்சனல் சார்பாகப் பெறப்பட்ட கோலை பியர்-எம்ரிக் உபமெயாங்க் பெற்றதோடு, பேர்ண்லி சார்பாகப் பெறப்பட்ட கோலை கிறிஸ் வூட் பெற்றிருந்தார்.

இப்போட்டிகளின் முடிவில் பிறீமியர் லீக் புள்ளிகள் பட்டியலில் 65 புள்ளிகளுடன் முதலாமிடத்தில் மன்செஸ்டர் சிற்றியுள்ளது. 53 புள்ளிகளுடன் இரண்டாமிடத்தில் லெய்செஸ்டர் சிற்றியும், 51 புள்ளிகளுடன் மூன்றாமிடத்தில் மன்செஸ்டர் யுனைட்டெட்டும், 47 புள்ளிகளுடன் நான்காமிடத்தில் செல்சியுமுள்ளன. இதில், ஏனைய அணிகளை விட லெய்செஸ்டர் ஒரு போட்டி அதிகமாக விளையாடியுள்ளது.