சமநிலையில் ஆர்ஜென்டீனா – சிலி போட்டி

பிரேஸிலில் நடைபெற்று வரும் கோப்பா அமெரிக்கா தொடரில், இன்று அதிகாலை நடைபெற்ற ஆர்ஜென்டீனா, சிலிக்கு இடையிலான போட்டியானது 1-1 என்ற கோல் கணக்கில் சமநிலையில் முடிவடைந்தது.

ஆர்ஜென்டீனா சார்பாகப் பெறப்பட்ட கோலை லியனல் மெஸ்ஸி பெற்றதோடு, சிலி சார்பாகப் பெறப்பட்ட கோலை எடுவார்டோ வர்காஸ் பெற்றிருந்தார்.

இந்நிலையில், பொலிவியாவுடனான போட்டியில் 3-1 என்ற கோல் கணக்கில் பராகுவே வென்றது. பராகுவே சார்பாக, ஏஞ்செல் றொமெறோ இரண்டு கோல்களையும், அலெஜான்ட்ரோ றொமெறோ ஒரு கோலையும் பெற்றனர். பொலிவியா சார்பாகப் பெறப்பட்ட கோலை என்வின் சாவெட்ரா பெற்றிருந்தார்.