சமநிலையில் பெல்ஜியம் – ஐவரிகோஸ்ட் போட்டி

சர்வதேச சிநேகபூர்வ கால்பந்தாட்டப் போட்டிகளில், பெல்ஜியத்தில் நேற்று நடைபெற்ற பெல்ஜியம், ஐவரிகோஸ்ஸ்டுக்கிடையிலான போட்டி 1-1 என்ற கோல் கணக்கில் சமநிலையில் முடிவடைந்தது.

பெல்ஜியம் சார்பாகப் பெறப்பட்ட கோலை மிச்சி பச்சுவாய் பெற்றதோடு, ஐவரிகோஸ்ட் சார்பாகப் பெறப்பட்ட கோலை பிராங்க் கெஸி பெற்றிருந்தார்.

இதேவேளை, இங்கிலாந்தில் நடைபெற்ற இங்கிலாந்து, வேல்ஸுக்கிடையேயான போட்டியில் 3-0 என்ற கோல் கணக்கில் இங்கிலாந்து வென்றது. இங்கிலாந்து சார்பாக, டொமினிக் கல்வேர்ட்-லூயின், கொனர் கோடி, டனி இங்ஸ் ஆகியோர் தலா ஒவ்வொரு கோலைப் பெற்றனர்.

இந்நிலையில், ரஷ்யாவில் நடைபெற்ற ரஷ்யா, சுவீடனுக்கிடையிலான போட்டியில் 2-1 என்ற கோல் கணக்கில் சுவீடன் வென்றது. சுவீடன் சார்பாக, அலெக்ஸான்டர் இஸாக், மத்தியாஸ் ஜொஹன்ஸன் ஆகியோர் தலா ஒவ்வ்வொரு கோலைப் பெற்றனர். ரஷ்யா சார்பாகப் பெறப்பட்ட கோலை அலெக்ஸான்டர் சொபொலெவ் பெற்றிருந்தார்.