சம்பியனானது பயேர்ண் மியூனிச்

ஜேர்மனிய சுப்பர் கிண்ணப் போட்டியில் பயேர்ண் மியூனிச் சம்பியனானது.

ஜேர்மனிய கிண்ணத் தொடரின் சம்பியன்களான பொரூசியா டொட்டமுண்டின் மைதானத்தில் நேற்று அதிகாலை நடைபெற்ற அவ்வணியுடனான இப்போட்டியில் 3-1 என்ற கோல் கணக்கில் புண்டெலிஸ்கா சம்பியன்களான பயேர்ண் மியூனிச் வென்றிருந்தது.

மியூனிச் சார்பாக, றொபேர்ட் லெவன்டோஸ்கி இரண்டு கோல்களையும், தோமஸ் மல்லர் ஒரு கோலையும் பெற்றனர். டொட்டமுண்ட் சார்பாகப் பெறப்பட்ட கோலை மார்கோ றொய்ஸ் பெற்றிருந்தார்.