சம்பியன்ஸ் லீக்: சமநிலையில் சிற்றி – பெய்னூர்ட் போட்டி

ஐரோப்பிய கால்பந்தாட்டச் சங்கங்களின் ஒன்றியத்தின் சம்பியன்ஸ் லீக் தொடரில், தமது மைதானத்தில் புதன்கிழமை (27) நடைபெற்ற நெதர்லாந்துக் கழகமான பெய்னூர்ட்டுடனான போட்டியை 3-3 என்ற கோல் கணக்கில் இங்கிலாந்து பிறீமியர் லீக் கழகமான மன்செஸ்டர் சிற்றி சமப்படுத்தியது.

சிற்றி சார்பாக எர்லிங்க் ஹலான்ட் இரண்டு கோல்களையும், இல்கி குன்டோகன் ஒரு கோலையும் பெற்றனர். பெய்னூர்ட் சார்பாக, அனிஸ் ஹட்ஜி-மூஸா, சன்டியாகோ ஜிமெனெஸ், டேவிட் ஹங்கோ ஆகியோர் தலா ஒவ்வொரு கோலைப் பெற்றனர்.

இதேவேளை தமது மைதானத்தில் நடைபெற்ற பிரெஞ்சுக் கழகமான பரிஸ் ஸா ஜெர்மைனுனான போட்டியில் 1-0 என்ற கோல் கணக்கில் ஜேர்மனியக் கழகமான பயேர்ண் மியூனிச் வென்றது. மியூனிச் சார்பாகப் பெறப்பட்ட கோலை கிம் மின்-ஜே பெற்றிருந்தார்.

இந்நிலையில் தமது மைதானத்தில் நடைபெற்ற இன்னொரு ஜேர்மனியக் கழகமான ஆர்.பி லெய்ப்ஸிக்குடனான போட்டியில் 1-0 என்ற கோல் கணக்கில் இத்தாலிய சீரி ஏ கழகமான இன்டர் மிலன் வென்றது.