சம்பியன்ஸ் லீக்: வெளியேற்றப்பட்ட ஆர்சனல்

ஐரோப்பிய கால்பந்தாட்டச் சங்கங்களின் ஒன்றியத்தின் சம்பியன்ஸ் லீக் தொடரிலிருந்து இங்கிலாந்து பிறீமியர் லீக் கழகமான ஆர்சனல் வெளியேற்றப்பட்டுள்ளது.

பிரெஞ்சு லீக் 1 கழகமான பரிஸ் ஸா ஜெர்மைனுடனான அரையிறுதிப் போட்டியில் தோற்றே தொடரிலிருந்து ஆர்சனல் வெளியேற்றப்பட்டுள்ளது.

தமது மைதானத்தில் நடைபெற்ற முதலாவது சுற்றுப் போட்டியில் 0-1 என்ற கோல் கணக்கில் பின்தங்கியிருந்த ஆர்சனல், பரிஸ் ஸா ஜெர்மைனின் மைதானத்தில் வியாழக்கிழமை (08) நடைபெற்ற இரண்டாவது சுற்றுப் போட்டியில் 1-2 என்ற கோல் கணக்கில் தோல்வியடைந்து 1-3 என்ற மொத்த கோல் கணக்கில் தோற்று தொடரிலிருந்து வெளியேறியது.

ஆர்சனல் சார்பாகப் பெறப்பட்ட கோலை புகாயோ ஸாகா பெற்றதோடு, பரிஸ் ஸா ஜெர்மைன் சார்பாக பேபியன் ருய்ஸ், அஷ்ரஃப் ஹகிமி ஆகியோர் தலா ஒவ்வொரு கோலைப் பெற்றனர்.