சிடில் ஓய்வு

அவுஸ்திரேலியாவின் வேகப்பந்துவீச்சாளரான பீற்றர் சிடில், சர்வதேச கிரிக்கெட் போட்டிகளிலிருந்தான தனது ஓய்வை இன்று அறிவித்துள்ளார்.

2008ஆம் ஆண்டு அறிமுகமான 35 வயதான பீற்றர் சிடில், 67 டெஸ்ட் போட்டிகளில் விளையாடி 30.66 என்ற சராசரியில் 221 விக்கெட்டுகளைக் கைப்பற்றியுள்ளார்.

இதுதவிர, 20 ஒருநாள் சர்வதேசப் போட்டிகளில் விளையாடி 17 விக்கெட்டுகளைக் கைப்பற்றியுள்ள பீற்றர் சிடில், இரண்டு இருபதுக்கு – 20 சர்வதேசப் போட்டிகளில் விளையாடி மூன்று விக்கெட்டுகளைக் கைப்பற்றியுள்ளார்.

இந்நிலையில், அவுஸ்திரேலியாவின் மாநில அணியான விக்டோரியாவுக்காகவும், இங்கிலாந்து கவுண்டியான எஸெக்ஸுக்காகவும், அவுஸ்திரேலிய உள்ளூர் இருபதுக்கு – 20 போட்டித் தொடரான பிக் பாஷ் லீக்கில் அடிலெய்ட் ஸ்ரைக்கர்ஸுக்காகவும் பீற்றர் சிடில் தொடர்ந்து விளையாடுவார் என எதிர்பார்க்கப்படுகிறது.