சீன குரான் பிறீ: வென்றார் பியாஸ்திரி

சீன குரான் பிறீயானது ஷங்காயில் ஞாயிற்றுக்கிழம்ஜை (23) நடைபெற்றபோது மக்லரென் அணியின் ஒஸ்கார் பியாஸ்திரி வென்றார்.

பந்தயத்தை முதலாமிடத்திலிருந்து ஆரம்பித்த அவுஸ்திரேலியாவின் பியாஸ்திரி வென்ற நிலையில், பந்தயத்தை மூன்றாமிடத்திலிருந்து ஆரம்பித்த பியாஸ்திரியின் சக மக்லரன் அணி ஓட்டுநரான லான்டோ நொரிஸ் இரண்டாமிடத்தைப் பெற்றார். பந்தயத்தை இரண்டாமிடத்திலிருந்து ஆரம்பித்த மெர்சிடீஸ் அணியின் ஜோர்ஜ் ரஸல் மூன்றாமிடத்தைப் பெற்றார்.

இவ்வாண்டு போர்மியுலா வண் சம்பியன்ஷிப் புள்ளிகள் பட்டியலில் 44 புள்ளிகளுடன் முதலாமிடத்தில் பிரித்தானியாவின் நொரிஸ் காணப்படுகின்றார். 36 புள்ளிகளுடன் இரண்டாமிடத்தில் நடப்புச் சம்பியனான மக்ஸ் வெர்ஸ்டப்பன் காணப்படுவதோடு, 35 புள்ளிகளுடன் மூன்றாமிடத்தில் பிரித்தானியாவின் ரஸல் காணப்படுகின்றார்.