சுவிற்ஸர்லாந்தை வென்றது ஸ்பெய்ன்

ஐரோப்பிய கால்பந்தாட்டச் சங்கங்களின் ஒன்றியத்தின் தேசங்களுக்கான லீக் தொடரில், ஸ்பெய்னில் இன்று அதிகாலை நடைபெற்ற குழு டி போட்டியொன்றில், மிகேல் ஒயர்ஸ்பல் பெற்ற கோலுடன் 1-0 என்ற கோல் கணக்கில் சுவிற்ஸர்லாந்தை ஸ்பெய்ன் வென்றது.

இதேவேளை, உக்ரேனில் நடைபெற்ற பிறிதொரு குழு டி போட்டியில் 2-1 என்ற கோல் கணக்கில் உக்ரேனை ஜேர்மனி வென்றிருந்தது. ஜேர்மனி சார்பாக, மத்தியாஸ் ஜின்டர், லியோன் கொரெட்ஸ்கா ஆகியோர் தலா ஒவ்வொரு கோலைப் பெற்றதுடன், உக்ரேன் சார்பாகப் பெறப்பட்ட கோலை ரஷியன் மலினோஸ்கி பெற்றிருந்தார்.