ஜுவென்டஸிலிருந்து வெளியேறும் கிறிஸ்டியானோ ரொனால்டோ?

இத்தாலிய சீரி ஏ கால்பந்தாட்டக் கழகமான ஜுவென்டஸின் முன்களவீரரான கிறிஸ்டியானோ ரொனால்டோ, அக்கழகத்தில் அடுத்தாண்டிலும் தொடர்வாரா என்பது சந்தேகமாகவுள்ளது.

ஏனெனில், ஜுவென்டஸுடன் அடுத்தாண்டு வரையிலும் ரொனால்டோ ஒப்பந்தத்தைக் கொண்டிருக்கின்றபோதும், ஜுவென்டஸிலிருந்து வெளியேறுவதை மீண்டும் ஒரு முறை அவர் நேற்று முன்தினம் மறுத்திருக்கவில்லை.

ரொனால்டோவை விற்பதன் மூலம் பணத்தைப் பெற்றுக் கொள்ள ஜுவென்டஸ் எதிர்பார்க்கையில், தனது முன்னாள் இங்கிலாந்து பிறீமியர் லீக் கழகமான மன்செஸ்டர் யுனைட்டெட்டுக்கு ரொனால்டோ செல்வார் என எதிர்பார்க்கப்படுகிறது.