ஜோன்சன், ஹேஸல்வூடுக்கு ஓய்வு?

பங்களாதேஷ{க்கு பயணமாகும் அவுஸ்திரேலிய அணி ஒக்டோபர் 9 ஆம் திகதி முதல் இரண்டு டெஸ்ட் போட்டிகளில் பங்கேற்கவுள்ளதோடு, பின்னர் நாட்டுக்கு திரும்பி நியூசிலாந்து, மேற்கிந்தியத்தீவுகள் அணிக்கெதிராக ஆறு டெஸ்ட் போட்டிகளில் பங்கேற்கவுள்ளதோடு, அதன்பின் நியூசிலாந்துக்கு இரு போட்டிகள் கொண்ட டெஸ்ட் தொடருக்காக செல்லவுள்ளது. 

நீண்ட தொடரொன்றின் பின்னதான குணங்குறிகளை வெளிப்படுத்திய ஹேஸல்வூட், ஐந்தாவது ஆஷஸ் டெஸ்ட் போட்டியில் விலக்கப்பட்டிருந்தார். மிற்செல் ஜோன்சன் ஐந்து டெஸ்ட்களிலும் சேர்த்து 140 ஓவர்களை வீசியிருந்தார். 

இதனையடுத்து, கருத்துத் தெரிவித்த அணியின் திறமை வெளிப்பாடுகளுக்கான கிரிக்கெட் அவுஸ்திரேலியாவின் பொது முகாமையாளர் பட் ஹொவார்ட், அதிகமான போட்டிகளைக் கொண்ட பருவகாலம் வருவதை முன்னிட்டு இருவரும் கவனமாக கையாளப்பட வேண்டும் எனத் தெரிவித்தார்.