ஜொஸ் மொரின்கோ மீது விமர்சனம்

ஏற்கெனவே அழுத்தத்துக்குள்ளாகியுள்ள செல்சி அணியின் முகாமையாளர் ஜொஸ் மொரின்கோ மீது, இங்கிலாந்து கால்பந்தாட்ட அணியின் முன்னாள் முமையாகர் பமியோ கபெல்லோ, பார்சிலோனாவின் முன்னாள் முகாமையாளர் ஜொஹான் குருய்ப் ஆகியோர் கடுமையான விமர்சனங்களை முன்வைத்துள்ளனர்.

இரண்டு வருடங்களுக்குள் தனது வீரர்களைக் களைப்படையச் செய்துவிட்டதாக மொரின்கோ மீது கபெல்லோ விமர்சனங்களை முன்வைக்க, தனது விளையாடும் காலத்தில் அதிகளவு வெற்றிகளைப் பெற்றிராத மொரின்கோ, பயிற்றுநராக அதிக பிரபலத்தைத் தேட முயற்சிக்கிறார் என குருய்ப் தெரிவித்துள்ளார்.

இதற்கு முன்னர் றியல் மட்ரிட் கழகத்தின் பயிற்றுநராக இருந்த போதும், அக்கழகத்தின் வீரர்கள் குறிப்பிட்ட காலத்துக்குப் பின்னர் களைப்படைந்ததாகக் கதைகள் எழுந்திருந்த நிலையில்தற்போது செல்சியில் அது உறுதிப்படுத்தப்பட்டுள்ளது என கபெல்லோ தெரிவித்தார்.

மறுபுறத்தில், அதிக கவனங்களில் மத்தியில் காணப்படும் நிலையை மொரின்கோ எதிர்பார்க்கக்கூடாது எனத் தெரிவித்த குருய்ப், அவர் சர்ச்சைக்குரியவர் எனவும், எப்போதும் தன்னை முதல் வரிசையில் அமர்த்த அவர் விரும்புகிறார் எனவும் தெரிவித்தார்.