டயலொக் அழைப்பு கிரிக்கெட் தொடர்: பச்சையை வென்ற சாம்பல்

டயலொக் இலங்கை கிரிக்கெட் சபை அழைப்பு இருபதுக்கு – 20 லீக் தொடரில், பல்லேகலவில் நேற்றிரவு நடைபெற்ற இலங்கை கிரிக்கெட் சபையின் பச்சை அணியுடனான போட்டியில் டக் வேர்த் லூயிஸ் முறையில் நான்கு ஓட்டங்களால் இலங்கை கிரிக்கெட் சபையின் சாம்பல் அணி வென்றிருந்தது.

மழை காரணமாக 10 ஓவர்கள் கொண்டதாகவே குறித்த போட்டி இடம்பெற்றிருந்ததுடன், பின்னர் முதலாவது இனிங்ஸ் முடிவில் மேலதிக மழை காரணமாக எட்டு ஓவர்களாக இரண்டாவது இனிங்ஸ் குறைக்கப்பட்டதுடன், பின்னர் இரண்டாவது இனிங்ஸின் 5.3 ஓவர்களோடு போட்டி முடிவுக்கு வந்திருந்தது.

ஸ்கோர் விவரம்:

நாணயச் சுழற்சி: பச்சை

சாம்பல்: 137/3 (10 ஓவ. ) (துடுப்பாட்டம்: தசுன் ஷானக ஆ.இ 55 (22), கமில் மிஷார ஆ.இ 46 (24), லசித் குறூஸ்புள்ளே 17 (08), சரித் அஸலங்க 08 (03) ஓட்டங்கள். பந்துவீச்சு: ரமேஷ் மென்டிஸ் 1/7 [1])

பச்சை: 69/3 (5.3 ஓவ. ) (வெ.இ: 74) (துடுப்பாட்டம்: லஹிரு உதார 33 (10), பத்தும் நிஸங்க 21 (12) ஓட்டங்கள். பந்துவீச்சு: சத்துரங்க டி சில்வா 2/21 [2], புலின தரங்க 0/18 [2])

இதேவேளை, முன்னதாக இடம்பெற்ற இலங்கை கிரிக்கெட் சபையின் நீல அணியுடனான போட்டியில் இலங்கை கிரிக்கெட் சபையின் சிவப்பு அணி வென்றிருந்தது.