டொட்டென்ஹாமில் தொடரும் கேன்

இப்பருவகாலத்தில் இங்கிலாந்து பிறீமியர் லீக் கால்பந்தாட்டக் கழகமான டொட்டென்ஹாம் ஹொட்ஸ்பரில் தொடரவுள்ளதாக, அக்கழகத்தின் முன்களவீரர் ஹரி கேன் தெரிவித்துள்ளார்.

இன்னொரு பிறீமியர் லீக் கழகமான மன்செஸ்டர் சிற்றியானது 28 வயதான கேனைக் கைச்சாத்திட ஆர்வமாயிருந்தபோதும், பேரம்பேசல்களுக்குள் நுழைய டொட்டென்ஹாமின் தலைவர் டேனியல் லெவி மறுத்திருந்தார்.

எதிர்வரும் 2024ஆம் ஆண்டு வரையில் டொட்டென்ஹாமுடன் ஒப்பந்தத்தை கேன் கொண்டிருக்கின்றமை குறிப்பிடத்தக்கது.