திருமணத்துக்கு புறம்பான உறவால் இடைநிறுத்தப்பட்ட நீச்சல் வீரர்

திருமணத்துக்கு புறம்பான உறவைக் கொண்டிருந்ததையடுத்து ஜப்பானிய நீச்சல் சம்மேளனத்தால் நான்கு தடவை உலக சம்பியனான டையோ செட்டோ, எஞ்சிய ஆண்டு முழுவதுக்கும் இடைநிறுத்தப்பட்டுள்ளார்.

ஜப்பான் நீச்சல் சம்மேளனத்தின் விளையாட்டுவீரர் போன்ற நடத்தை மட்டத்தை மீறியமைக்காகவே 26 வயதான டையோ செட்டோ தடையை எதிர்நோக்கியுள்ளார்.

திருமணத்துக்குப் புறம்பான உறவை ஏற்றுக் கொண்டமையையடுத்து 200 மீற்றர், 400 மீற்றர் மெட்லி தனிநபர் நடப்பு உலக சம்பியனான டையோ செட்டோ, ஜப்பான் ஒலிம்பிக் நீச்சல் அணியின் தலைவர் பதவியிலிருந்து விலகியிருந்தார்.

அடுத்தாண்டு நடைபெறவுள்ள டோக்கியோ ஒலிம்பிக் போட்டிகளில் டையோ செட்டோ கலந்துகொள்ள முடியும் என்பது குறிப்பிடத்தக்கது.