பங்களாதேஷை வீழ்த்திய தென்னாபிரிக்கா

பங்களாதேஷுக்கெதிரான இரண்டாவது ஒருநாள் சர்வதேசப் போட்டியை தென்னாபிரிக்கா வென்றுள்ளது.

மூன்று போட்டிகள் கொண்ட தொடரில், ஜொஹன்னஸ்பேர்க்கில் நேற்று நடைபெற்ற இப்போட்டியின் நாணயச் சுழற்சியில் வென்ற பங்களாதேஷின் அணித்தலைவர் தமிம் இக்பால், தமதணி முதலில் துடுப்பெடுத்தாடும் என அறிவித்தார்.

அந்தவகையில், முதலில் துடுப்பெடுத்தாடிய பங்களாதேஷ், ககிஸோ றபாடாவிடம் 5 விக்கெட்டுகளைப் பறிகொடுத்து 50 ஓவர்களில் 9 விக்கெட்டுகளை இழந்து 194 ஓட்டங்களையே பெற்றது. துடுப்பாட்டத்தில், அஃபிஃப் ஹொஸைன் 72 (107), மெஹிடி ஹஸன் மிராஸ் 38 (49) ஓட்டங்களைப் பெற்றிருந்தனர்.

பதிலுக்கு, 195 ஓட்டங்களை வெற்றியிலக்காகக் கொண்டு துடுப்பெடுத்தாடிய தென்னாபிரிக்கா, குயின்டன் டி கொக்கின் 62 (41), கைல் வெரைன்னேயின் ஆட்டமிழக்காத 58 (77) ஓட்டங்களோடு 37.2 ஓவர்களில் வெற்றியிலக்கையடைந்தது.

இப்போட்டியின் நாயகனாக றபாடா தெரிவானார்.