பார்சிலோனா – கெட்டாபே போட்டி சமநிலை

ஸ்பானியக் கால்பந்தாட்டக் கழகங்களுக்கிடையிலான லா லிகா தொடரில், நேற்று  இடம்பெற்ற பார்சிலோனா, கெட்டாபே அணிகளுக்கிடையிலான போட்டியில் இரண்டு அணிகளும் கோலெதனையும் பெறாத நிலையில் போட்டி சமநிலையில் முடிவடைந்தது.

இப்போட்டியில், லியனல் மெஸ்ஸி, பிலிப் கோச்சினியோ ஆகிய இருவரின் உதைகளையும் கெட்டாபேயின் கோல் காப்பாளர் விசென்டே குவைட்டா தடுத்திருந்ததுடன், யெரி மினா தலையால் முட்டிய பந்து கோல் கம்பத்துக்கு வெளியால் சென்றிருந்தது. மறுபக்கமாக, போட்டியின் இறுதிக் கணக்கில், கோல் கம்பத்திலிருந்து 30 அடி தூரத்திலிருந்து கெட்டாபேயுக்கு கிடைத்த பிறீ கிக்கை விடொரினோ அன்டியூன்ஸ் கோல் கம்பத்தை நோக்கி, அதை கோல் கம்பத்துக்கு மேலால் பார்சிலோனாவின் கோல் காப்பாளர் மார்க் அன்ட்ரே டியர் ஸ்டீகன் தட்டி விட்டிருந்தார்.