பார்சிலோனா, றியல் மட்ரிட் வென்றன

ஸ்பானியக் கால்பந்தாட்டக் கழகங்களுக்கிடையிலான லா லிகா தொடரில், நேற்று இடம்பெற்ற போட்டிகளில் பார்சிலோனா, றியல் மட்ரிட் ஆகிய அணிகள் வென்றுள்ளன.

பார்சிலோனா, 5-0 என்ற என்ற கோல் கணக்க்கில் றியல் பேட்டிஸை வென்றது. பார்சிலோனா சார்பாக, லியனல் மெஸ்ஸி, லூயிஸ் சுவாரஸ் ஆகியோர் தலா இரண்டு கோல்களையும் இவான் றகிட்டிச் ஒரு கோலையும் பெற்றனர்.

இப்போட்டியுடன் சேர்த்து லா லிகாவில் 114 போட்டிகளை விளையாடியுல்ள லூயிஸ் சுவாரஸ் 100 கோல்களைப் பெற்றுள்ளார். 

றியல் மட்ரிட், 7-1 என்ற கோல் கணக்கில் டெபோர்ட்டிவோ லா கொரினியாவை வென்றது. றியல் மட்ரிட் சார்பகா, நாச்சோ மொன்றியல், கரித் பேல், கிறிஸ்டியானோ ரொனால்டோ ஆகியோர் தலா இரண்டு கோல்களையும் லூகா மோட்ரிக் ஒரு கோலையும் பெற்றனர். டெபோர்ட்டிவோ லா கொரினியா சார்பாகப் பெறப்பட்ட கோலை அட்ரியன் லொபேஸ் பெற்றிருந்தார்.

அந்தவகையில், கடந்தாண்டு டிசெம்பர் ஒன்பதாம் திகதிக்குப் பின்னர் லா லிகா போட்டியொன்றில் றியல் மட்ரிட் வென்றுள்ளது.

இப்போட்டிகளின் முடிவில், லா லிகா புள்ளிகள் பட்டியலில் 54 புள்ளிகளுடன் பார்சிலோனா முதலிடத்தில் தொடருவதுடன், 43 புள்ளிகளுடன் அத்லெட்டிகோ மட்ரிட் இரண்டாமிடத்திலிருப்பதுடன் 40 புள்ளிகளுடன் மூன்றாமிடத்தில் வலென்சியா உள்ளது. இம்மூன்று அணிகளையும் விட ஒரு போட்டி குறைவாக விளையாடியுள்ள றியல் மட்ரிட் 35 புள்ளிகளுடன் நான்காமிடத்தில் காணப்படுகின்றது.