பெண்களின் கிரிக்கெட்டில் தங்கம் வென்ற அவுஸ்திரேலியா

பேர்மிங்ஹாம் 2022 பொதுநலவாயப் போட்டிகளில் நேற்றிரவு நடைபெற்ற தங்கப் பதக்கத்துக்கான பெண்களின் கிரிக்கெட் போட்டியில் இந்தியாவை வென்ற அவுஸ்திரேலியா தங்கப் பதக்கம் வென்றது.

வெண்கலப் பதக்கத்துக்கான போட்டியில் இங்கிலாந்தை வென்ற நியூசிலாந்து வெண்கலப் பதக்கத்தை வென்றது.

அந்தவகையில், 66 தங்கப் பதக்கங்கள், 55 வெள்ளிப் பதக்கங்கள், 53 வெண்கலப் பதக்கங்கள் என மொத்தமாக 174 பதக்கங்களுடன் தொடர்ந்தும் பதக்கப் பட்டியலில் அவுஸ்திரேலியா முதலாமிடத்தில் காணப்படுகின்றது.

55 தங்கப் பதக்கங்கள், 60 வெள்ளிப் பதக்கங்கள், 52 வெண்கலப் பதக்கங்கள் என மொத்தமாக 167 பதக்கங்களுடன் போட்டியை நடாத்தும் நாடான இங்கிலாந்து இரண்டாமிடத்தில் காணப்படுகின்றது. 26 தங்கப் பதக்கங்கள், 32 வெள்ளிப் பதக்கங்கள், 34 வெண்கலப் பதக்கங்களென மொத்தமாக 92 பதக்கங்களுடன் மூன்றாமிடத்தில் கனடா காணப்படுகின்றது.