பொக்கா ஜூனியர்ஸை வென்றது பார்சிலோனா

ஜோன் கம்பர் கிண்ணத்துக்கான, ஆர்ஜென்டீனக் கால்பந்தாட்டக் கழகமான பொக்கா ஜூனியர்ஸுடனான போட்டியில் ஸ்பானிய லா லிகா கழகமான பார்சிலோனா வென்றது.

தமது மைதானத்தில் நேற்று  இடம்பெற்ற பொக்கா ஜூனியர்ஸுடனான போட்டியின் 18ஆவது நிமிடத்தில் மல்கொம் பெற்ற கோலுடன் முன்னிலை பெற்ற பார்சிலோனா, 39ஆவது நிமிடத்தில் லியனல் மெஸ்ஸி பெற்ற கோலுடன் தமது முன்னிலையை இரட்டிப்பாக்கிக் கொண்டது. பின்னர், 67ஆவது நிமிடத்தில் றபின்ஹா பெற்ற கோலுடன் 3-0 என்ற கோல் கணக்கில் இறுதியில் பார்சிலோனா வென்றது.