போச்சிடம் தோற்ற மியூனிச்

ஜேர்மனிய கால்பந்தாட்டக் கழகங்களுக்கிடையிலான புண்டெலிஸ்கா தொடரில், தமது மைதானத்தில் சனிக்கிழமை (08) நடைபெற்ற வி.எஃப்.எல் போச்சுமுடனான போட்டியில் 2-3 என்ற கோல் கணக்கில் பயேர்ண் மியூனிச் தோற்றது.

இதேவேளை தமது மைதானத்தில் நடைபெற்ற வேர்டர் ப்ரூமனுடனான போட்டியில் 0-2 என்ற கோல் கணக்கில் நடப்புச் சம்பியன்களான பயெர் லெவர்குசன் தோற்றது.

இந்நிலையில் தமது மைதானத்தில் நடைபெற்ற அகஸ்பேர்க்குடனான போட்டியில் 0-1 என்ற கோல் கணக்கில் பொரூசியா டொட்டமுண்ட் தோற்றது.

புண்டெலிஸ்கா புள்ளிகள் பட்டியலில் 61 புள்ளிகளுடன் முதலாமிடத்தில் மியூனிச் காணப்படுகின்றது. 53 புள்ளிகளுடன் இரண்டாமிடத்தில் லெவர்குசனும், 44 புள்ளிகளுடன் மூன்றாமிடத்தில் மைன்ஸும், 42 புள்ளிகளுடன் நான்காமிடத்தில் ஐன்ரச்ட் பிராங்க்பேர்ட்டும் காணப்படுகின்றன. இதில் மற்றைய அணிகளை விட பிராங்க்பேர்ட் ஒரு போட்டி குறைவாக விளையாடியுள்ளது.