மப்பேயைக் கைச்சாத்திடுகிறது றியல் மட்ரிட்?

பிரெஞ்சு லீக் 1 கழகமான பரிஸ் ஸா ஜெர்மைனின் முன்களவீரரான கிலியான் மப்பேயைக் கைச்சாத்திடுவது குறித்து ஸ்பானிய லா லிகா கழகமான றியல் மட்ரிட் கருத்திற் கொள்வதாகத் தெரிவிக்கப்படுகிறது.

பிரான்ஸ் சர்வதேச கால்பந்தாட்ட அணியினதும் வீரரான கிலியான் மப்பேயை 400 மில்லியன் யூரோக்களுக்கு கைச்சாத்திடுவது குறித்து றியல் மட்ரிட் ஆராய்வதாகக் கூறப்படுகிறது.

தற்போது 21 வயதாகும் கிலியான் மப்பே, தான் இன்னொரு பிரெஞ்சு லீக் 1 கழகமான மொனாக்கோவில் இருந்த சமயமே றியல் மட்ரிட்டுக்கு செல்வார் என எதிர்பார்க்கப்பட்ட நிலையில் 2017ஆம் ஆண்டு அவர் பரிஸ் ஸா ஜெர்மைனைக்குச் சென்றிருந்தார்.

இதுவரையில் 104 லீக் 1 போட்டிகளில் விளையாடி 67 கோல்களைப் பெற்றுள்ள கிலியா மப்பே, 31 கோல்கள் பெறப்படுவதற்கு துணை புரிந்துள்ளார் என்பது குறிப்பிடத்தக்கது.